Sorgleg frett!

Thad er mjog sorglegt ad Menntaskolanum Hradbraut verdi lokad. Eg utskrifadist thadan i juni 2010, 3 arum a undan jafnoldrum minum. Eg var haestanaegd med skolann og hann a ser enga hlidstaedu herlendis. Nemendur hofdu alltaf greidan adgang ad kennurum og odru starfsfolki skolans og vegna smaedar skolans kynntumst vid oll vel.Thad var frabaert ad hafa valkost fyrir tha sem vilja ekki hangsa lengi i skola. I kjolfarid gat eg ferdast an thess ad verda eftir a i skola. Eg hef ekkert a moti hefdbundnum menntaskolum, alls ekki en mer finnst throngsynt ad aetlast til thess ad allir fari somu leid. 

Thad er otrulegt hvad Olafur skolastjori hefur stadid i miklu til thess ad halda skolanum opnum! Thetta eru thvi sorgarfrettir og eg vona innilega ad skolinn muni opna aftur thegar nyr vidsynni radherra tekur vid.

Bíður eftir nýjum ráðherra

Athugasemdir

[Björn (IP-tala skráð) 6.6.2012 kl. 16:45]

Já það gerir þetta enn sorglegra að þetta virðist vera pólitísk hindrun. Þetta væri skiljanlegra ef skólinn hefði ekki verið að standa sig.

Í upphafi hafði ég alltaf trú á því að Katrín væri víðsýn og mundi ekki láta gamla afturhaldspóltík stýra sér. Ég í raun trúði því að aðeins mjög lítill hluti VG væru í raun kommúnistar.

[Tobbi (IP-tala skráð) 6.6.2012 kl. 17:33]

Það er náttúrlega ekki rétt, sem Ólafur heldur fram, að stjórnvöld séu á móti einkaskólum.  Ætli þá væri ekki farið að þrengjast um Versló, Suðurhlíðaskóla, Landakot osfrv.  Það sem gerir gæfumuninn er meðferð þessa, vafalaust ágæta manns að öðru leyti, er meðferð hans á fjármunum skólans.  Um það mál eru til heilu doðrantarnir  á prenti.  Þetta píslarvætti sem hann heldur fram að hann þurfi að þola er algjörlega sjálfskapað.

[Jonatan (IP-tala skráð) 6.6.2012 kl. 19:14]

Það er nú ekki annað að sjá en að þetta sé meira og minna sjálfsskapað vandamál hjá skólastjóra Hraðbrautar.

Skólinn fékk mun meiri pening en hann hefði átt að fá  (miðað við fjölda nemenda, eða tæpar 200 milljónir aukalega) og Ólafur tók þennan pening og stakk honum í vasann.

Ólafur hefur boðist til að halda áfram uppteknum hætti, þ.e.a.s. að fá áfram pening frá ríkinu, og að ríkið gefi þessar 192 millur sem voru ofborgaðar, og að hann fái áfram að taka pening út úr skólanum (sem að skólinn fær frá ríkinu) óáreittur.

Það að vera með einkarekinn skóla er eitt, og þetta er engin aðför að einkarekstri.
Það er fáránlegt að ætlast til þess að ríkið GEFI fyrirtæki í þinni eigu heilan haug af peningum til að sinna ákveðinni þjónustu, og að þú getir svo tekið þennan pening út og gefið sjálfum þér í formi "lána" og arðgreiðslna.

Þetta er engin pólitísk hindrun neitt, Ólafur málaði sig út í horn og er að þyrla upp ryki. Og eins og hann segir sjálfur, þá vill hann fá "þægilegri" ráðherra sem að er álíka siðlaus og hann sjálfur.

[Elísa Elíasdóttir, 6.6.2012 kl. 22:33]

Her ma sja greidslur til framhaldsskola og thetta synir hvad Hradbraut hefur gert mikid med svo lagar greidslur a hvern nemanda. http://www.hradbraut.is/images/Vorn/29122010Kostnadur.pdf

Her ma finna skyrslu menntamalaraduneytisins med athugasemdum Olafs: http://www.hradbraut.is/images/Vorn/skyrsla_med_athugasemdum.pdf

Sama hvernig politikin er tha finnst mer sorglegt ad thad se verid ad loka thessum eina framhaldsskola sem bydur upp a thessa thjonustu.

[Jóhanna Magnúsdóttir, 7.6.2012 kl. 09:38]

Tek heilshugar undir þetta með þér Elísa mín, - enda skrifuðu allir starfsmenn undir áskorun sem ég samdi á sínum tíma um að halda skólanum opnum, mikilvægi þessa valkosts í menntaflórunni og mikilvægi þessara atriða sem þú telur upp. -

Aðdragandi að stöðvun Hraðbrautar var því miður á fjárhagslegum orsörkum,  að kennarar fóru að grafa upp reikninga skólans þegar að mótstaða myndaðist við að þeir sæktu um hjá Kennarasambandinu.  Það er upphafið og á ekkert skylt við pólitík.   Mótstaða sem myndaðist m.a. vegna þess að skólastjóri hafði áhyggjur að kennarasambandið myndi reikna of há laun kennurum í hag (vegna fyrrv. deilna hans og KÍ)  og það myndi grafa undan fjárhag skólans.  Við sem vildum bjarga skólanum  (allir starfsmenn skólans næstum því) skrifuðum undir beiðni um að skólanum yrði bjargað. -   Ég setti ákall í menntamálaráðuneytið og báðum um hjálp í samskiptamálum innan skólans (svipað og var gert á Ísafirði á sínum tíma)  en var vísað á að fara í kennarasambandið, var jafnframt sagt að það væri ekki mál ráðuneytisins þar sem þetta væri einkaskóli. Skólastjóri fékk ábendingu frá mér að fá utanaðkomandi hjálp,  en eins og þú veist þekktu fáir betur innviði og starf skólans en ég en skólastjóri  vildi það ekki, eða taldi ekki þörf á því.  Málið fór í blindgötu og eins og mér þótti vænt um "barnið" Hraðbraut,  gafst ég upp fyrir kerfinu,  gafst upp á óttastjórnun og það að reyna að geðjast öllum. -   Ég á örugglega einhverja sök í þessu máli líka, að hafa ekki getað stýrt þessu farsællega,  en vegna álags í vinnu gekk það ekki upp, og vegna einmitt mikillar fjarveru skólastjóra á átakatímum þegar kennarar voru ósáttir og vildu leita réttar síns. -  

Þetta er s.s. röð vondra samskipta sem orsakar þetta,  Katrín Jakobsdóttir var alls ekkert á móti Hraðbraut sérstaklega eins og þegar ég hlustaði á hana,  en auðvitað leist henni ekki á blikuna þegar t.d. í skýrslu sem var gerð af hlutlausum aðilum kom fram að skólastjóri væri "veiki hlekkurinn"  í skólanum.   

Eins og í flestum "skilnaðarmálum"  hafa báðir aðilar sína sögu að segja, enginn einn á sök í raun. -  Þetta eru vond samskipti,  og þar kemur líka inn í fv. menntamálaráðherra og eftirlit sem hennar ráðuneyti átti að sinna sem var ekki sinnt.   

Þetta er slælegt eftirlit og allsherjarsamskiptaklúður sem því miður fór eins og það fór.  Tíminn með ykkur í Hraðbraut var alveg yndislegur og sem betur fer má líka horfa til baka og sjá allt sem vel var gert.  Ólafur (og nú segi ég nafnið hans) má eiga það að hann hafði hugrekki til að koma þessum skóla á fót og á þakkir skilið, hann hafði líka hugrekki til að ráða mig, sem var mjög djarft á sínum tíma þar sem ég hafði mitt embættispróf í guðfræði en ekki skólatjórnendareynslu eða menntun. - 

Ólafur á þakkir skildar fyrir það góða sem hann hefur gert fyrir nemendur, kennara og annað starfsólk skólans, - og í raun verður það seint lofað nægilega og fellur í skuggann fyrir mistökum,  sem ég tel persónulega að hefðu leysts ef meiri auðmýkt hefði verið af hans hálfu að viðurkenna sinn hluta í upphafi og frá þeim grunni að leysa málin.  Allir hefðu getað beðist afsökunar á sínum hluta. 

Ég biðst afsökunar á mínum, - og ég óska þess að Hraðbraut nái flugi á ný, því það er ekki bara þörf á Hraðbraut heldur er skólinn lífsnauðsyn mörgum eins og dæmin hafa sannað.  

Ég veit að ég hef skrifað mjög opinskátt hér,  það þýðir ekkert fyrir neinn að fara í mál við mig ég á ekkert af veraldlegum eignum nema einn bíl, en þess ríkari vissulega af þeim andlegu, - og þær verða ekki svo auðveldlega  teknar af mér í dag,  þar sem ég hef aldrei verið sterkari á því svelli. 

Ólafur og Borghildur eru hugrökk og frumkvöðlar,  - því miður réðu hvorki þau, né við hin við hvernig málin þróuðust.   Ég veit að þeim þykir vænt um "afkvæmið" Hraðbraut, - og mér þykir vænt um það líka.  Þess vegna ættum við öll að líta í eigin barm og taka höndum saman,  viðurkenna það sem fór illa og læra af því og rétta síðan úr kútnum á réttum forsendum.   En ef að ekki er viðurkennt hvað fór úrskeiðis þá er ekki hægt að laga það. - 

Með sól í hjarta, en svolitla sorg - vegna þess að auðvitað á svona flottur skóli ekki að leggjast út af,  valkostur sem ekki finnst annars staðar í íslensku menntakerfi,  þar sem m.a. 9 af 136 einingum  (skv. gamla einingakerfinu) voru í samskiptum og tjáningu, - kannski hefðum við starfsólkið/stjórnendur þurft að praktisera betur það sem við vorum að prédika? -  

Þetta er skrifað fyrir Hraðbraut, ekki á móti, og vona að allir skilji það og virði. 

Sannleikurinn gerir okkur frjáls. 

[Eðvald (IP-tala skráð) 7.6.2012 kl. 11:55]

Jonatan,

Það er held ég enginn að þræta fyrir það að skólinn hafi fengið ofgreitt og að Ólafur hafi tekið þær fjárhæðir að miklu leyti í sinn vasa.

Skólinn er hinsvegar góður, og mikilvægur kostur í menntun á framhaldsskólastigi. Svo kaupi ég líka alveg þau rök að Hraðbraut sé hagkvæmur skóli vegna þess að hann færi minna fjármagn frá ríkinu og nemendur fara fyrr út á atvinnumarkaðinn.

Að auki, hefur Ólafur margoft, boðið ráðuneytinu endurgreiðslu á ofgreiðslunum. Þær fjárhæðir á hann líklega ekki í dag, enda voru það fáir sem fóru vel út úr hruninu, en hann hefur boðist til að borga þær með jöfnum afborgunum á nokkrum árum. Hann er því alls ekki að stinga þessum pening undan og "þyrlandi upp ryki".

Svo held ég að það megi vera ljóst, ef menn hafa kynnt sér málið og skýrslu Ríkisendurskoðunar, að Ólafur vissi ekki af ofgreiðslunum og að ábyrgðin lá ekki síst hjá Menntamálaráðuneytinu.

Eðvald