Feitur, sjúkur og næstum dauður.

Hvað geta verið ánægjulegri fréttir en þær að við getum haft eitthvað að segja um heilsuna okkar? Getur kannski verið að okkur finnist stundum "þægilegra" að halda að sjúkdómar séu allir einfaldlega af völdum gena og að við getum ekkert við þeim gert? Við getum þá bara haldið áfram með okkar venjulega líf og þurfum engu að breyta, bíðum bara eftir að vísindamenn finni töfralausn á vandanum. 

Ég er á þeirri skoðun að það sem við setjum ofaní okkur geti ekki annað en haft áhrif á líkamann og líðan. 

Bróðir minn var að segja mér frá heimildarmynd sem hann sá fyrr á þessu ári. FAT, SICK AND NEARLY DEAD. Ég setti "trailerinn" hér fyrir neðan.

Myndin fjallar um mann sem var allt of þungur (140kg). Í kjölfar offitunar var hann búinn að fá sjálfsónæmissjúkdóm. Hann var á allskonar lyfjum gegn ýmsum kvillum sem hrjáðu hann. Hann var í bráðri hættu á að fá hjartaáfall og hann sá að lyfin voru bara skammtímalausnir.

Hann ákvað að taka á rót vandamálsins, sem var greinilega lífstíll hans og hann ákvað að taka sig á og hreinsa allt kerfið. Hann ráðfærði sig við næringarfræðinga og ákvað að fara á 60 daga safakúr og hann ferðaðist um Bandaríkin á sama tíma. Hann var undir eftirliti lækna til að fylgjast með árangrinum. 

Á þessum 60 dögum náði hann að losna af öllum lyfjum og sjálfsónæmið hætti að gera vart við sig. Eftir að hafa upplifað svona mikla breytingu og finna fyrir betri líðan fór hann að sjálfsögðu ekki tilbaka í gamla lífstílinn. Hann er grænmetisæta í dag og hreyfir sig reglulega.

Það sem ég er að reyna að segja er að það er fagnaðarefni að geta komið í veg fyrir óþarfa óþægindi og sjúkdóma með lífstílsbreytingum. Það er ekki of seint að byrja í dag að taka sig á. Það þarf ekki að vera flókið að breyta um lífstíl. Lausnin er venjulega einfaldari en við viljum hafa hana.

Það eru alveg að koma áramót og það er tilvalið að byrja að undirbúa áramótaheit :)

Kveðja,

Elísa

 

 

 P.s. Til að fyrirbyggja misskilning þá byggist safakúr á því að drekka ferska pressaða ávexti og grænmeti. Safarnir eru mjög næringarríkir og safakúr er oft notaður fyrir afeitrun líkamans. 60 daga safakúrs er frekar langur og er e.t.v. ekki lausnin fyrir alla. Það var tíminn sem þurfti fyrir þennan einstaklings því ástand hans var svo slæmt. Safarnir eru ekki "fernusafar" sem eru keyptir út í búð. Ef þið hafið áhuga á að fara á safakúr er sniðugt að leita sér frekari upplýsingar áður maður byrjar. 

Lífsstílsþættir orsök 40% krabbameina

Athugasemdir

[Jon (IP-tala skráð) 13.12.2011 kl. 23:57]

Very funny that you shared this. I just watched it 3 days ago! Very well produced!

Thanks for sharing!

Jon

[Elísa Elíasdóttir, 14.12.2011 kl. 09:43]

Jon! Funny that you just watched it. I haven´t seen the whole thing myself but Esra watched and I read about it and saw the trailer. I see you managed to get through the „math problem“ in Icelandic. This spam check makes it difficult for foreigners to comment, excluding those that have mastered google translate! I hadn´t realized that your name was spelled the „real“ scandinavian way. That´s awesome.

Thanks for dropping by!